Monday, 30 January 2017

Bukhar Ka Gharelu Ilaj, 12 Home Remedies for Fever in Hindi







Aaj dekhenge ki bukhar ka gharelu ilaj, upay, tarika kya hai. Aap home remedies for fever in hindi ko sikh sakte hai aur ilaj kar sakte hai. Haan kyun nahi, kai baar dekha hoga apne ki mild fever ya bukhar ka gharelu ilaj to hamari dadi ma ke pass bhi hota hai.



Bas wo hi sab aaj hum sikhenge. Agar apko bhi home remedies malum hogi to apne love one ya near one ko suggest kar sakte ho.


Bukhar Ka Gharelu Ilaj – Lakshan pehchane

Bukhar hone ke kai wajah ho sakte hain. Pehele to hum apko yahi salah denge ki bagair jane samajhe koi medicine na len. Bukhar agar kisi serious wajah se hua hai toh kuch samay ke liye wo medicine se nadaarad zarur ho jayega per ye baad me ek vikraal roop le sakta hai.

Can read: Health status, quotes for Whatsapp, Facebook.

Maan lijiye ki aap viral fever ya mausam mein achanak badlao ane ke kaaran bukhar se jujh rahe hain to ghar ke desi bukhar ka gharelu ilaj kafi kaam aa sakte hai. Inka best part ye hai ki inka koi side effect nhi hota.

Khaan paan per dhyan na dene ki wajah se bhi apke sharer ki immunity level down ho sakti hai. Aisa hone per aap bar bar bimar pad sakte hain aur kai tarah ki bimari bhi apko pareshaan kar sakti hai.

Saaf safai ki kami se bhi infection aur bukhar ka khatra hota hai. Isiliye saaf safai rakhna zaruri hai phir chahe wo khaan paan mein ho, ghar mein ya hamare surrounding mein .

Bukhar ke lakshan

  • Bukhar ane per sharer mein kapkapi (shivering) ana.
  • Sharer ka temperature 99oC ke uper chala jayega.
  • Maas peshiyon (muscules) aur jodo (joints) me dard hona.
  • Kamzori mehsoos karna
  • Dehydration (pani ki kami)

Bukhar ka ilaj in hindi


Ab hum dekhenge ki bukhar ka gharelu ilaj kya hai wo bhi hindi mein. Kyunki natural tarike se fever ko bhagana bahut hi achcha hota hai. To hum apse aise hi kuch upaay share karne wale hain jinhe try kar aap bukhar se nijaat paa sakte hain.

Note: Agar ye upaye se bhi agar 1-2 din mein bukhar ka ilaj nahi hota hai. Doctor ke pass jana na bhulen.

Mint & Ginger (Pudina aur adrak):

Pudina aur adrak ka kadha pina faydemand hota hai.

Basil & Ginger (Tulsi aur adrak):

Agar sardi aur zukham ki wajah se bukhar ho raha hai to tulsi ke sath adrak ki chai apko kafi rahat pahuchayegi.

Tulsi (Basil leaves):

Tulsi ki pattiyan chai mein ubaal kar pine se bhi kafi fayda hoga. Din me 3-4 bar zarur len. Tulsi mein kai bimariyon se ladne ki shamta hai.

Lehsun (Garlic):

a) Til ke tel mein 6-7 lehsun (Garlic)ki kaliyan garam kar len aur use khane se bukhar utar jata hai. Lehsun antifungul aur antibacterial guno se bhara hai. Lehsun se sharer mein maujod virus- jo infection ka karan hai, use nikaal deta hai.
b) Choti adhi katori Sarso tel aur aur 4-5 lehsun ki kaliyan garam kar len. Thanda hone per uska massage Karen pair ke taluye per. Ajwaain (Ajowan caraway):Sardi zukham se hone wale bukhar ke liye ajwaain aur haldi ki chai bhi bohot rahat degi. Isme apko dudh, adha spoon ajwaai, ¼ haldi, thoda sugar dalkar paka len achi tarah. Isme aap chahen to tulsi bhi add kar sakte hain. Isse ya to channi se chaan len ya waise hi len. Kafi acha mehsoos karenge. Aur ye bahut hi kargar tarika hai bukhar ka ilaj karne ke liye.

Jwaar ka ras / ghehun ka ras:

Ghehun ke jwaatr ka ras bhi kafi asarkarak hota hai bukhar ke liye.

Kishmish (Raisins):

Bukhar aur infection se ladne ki shamta kishmish me bhi hoti hai kyunki inme Phenolic Phytonutrients aur antioxidants ke gun hote hain. Adhe katori pani mein 20-25 kishmish daal kar use naram hone den. Narmaahat aa jane per puri tarah masal len pani chaan len. lemon juice half spoon add karke isse din me 2 bar piyen.

Patti Karen Sir per:

Agar bukhar ka temperature 103 ya usse uper hai to Sir per thande pani ki patti kar sakte hain jab tak temperature kam nhi ho jate.

Ji haan, agar bukhar bahut tej hai to ye bukhar ka ilaj bhale hi na kare par use kam karne mein bahut kaam ayega. Dhyan rahe patti ko pani mein bhigone ke baad patti achi tarah se nichod len.

Pani ubaal kar piyen:

Bukhar ke waqt pani ubaal kar piyen, jitna pi sake uitna piyen per kamse kam 3 litre. Juice pine se apko taakat milti rahegi. Juice mein Nariyal ka jucie ya musambi ka juice bohot acha aur fayde wala hota hai.

Bharpur aram Karen:

Jab bukhar ho to sharer mein dard hota hai. Aise mein kisi bhi tarah ka kaam karna shehat ke liye a cha nhi hota, chahe wo physical ho ya dimagi. Isiliye ye hidayat dete hain doctors aur hum bhi ki bharpur aram Karen

Halka khana khayen.

Thode thode gap mein halka fulka khate rahe. Masaledar khane se dur rehne ki koshish karen

Heart leaved Moonseed (Giloy):

Giloy hamare sharer ki immunity level improved / beheter banata hai. Giloy har tarah ki bimari ko dur karne ki shamta rakhta hai. Iski jad / root ko adhi katori pani lekar mixture mein grind kar len. aur chinni se chan kar bagair deri kiye pe len. dhyan rahe ise jyada quantity mein na piyen. Aisa karne per Constipation hone ke chances hai.

Conclusion

Aaj humne dekha ki bukhar ka ilaj ya keh lein gharelu ilaj kya hai. Ji haan doston, purane log ese hi kuch home remedies for fever ko use karte the aur healthy life jeete the.

Can read: Baal lambe karne ke gharelu nuskhe in Hindi.

Kai log bukhar hone per fan band karke khud ko puri tarah dhak kar rakh lete hain. Aisa Karne se bukhar Sir per chadhne ka khatra hota hai. Yaad rahe doston, ese samay mein body temperature ko badhana nahi kam karna hota hai. Tabhi to doctor thandi patti karne ke liye kehte hain.

Ye to aap jante hi honge ki thandi cheezon to avoid karna hota hai bukhar ke waqt. Aapko inn baaton ka palan bhi karna hai kyunki aapki sehat apke hanth hai. Aur apse behtar usse koi nhi samajh sakta. Janiye aur health se related tips in Health tips collection.


No comments:

Post a comment